Бұл қызметке бұған дейін Президент әкімшілігінде түрлі қызметтер атқарған Қанатбек Жайсанбаев келді, -деп хабарлайды Jurtmedia ақпараттық-сараптамалық порталы.
Бұл туралы Президенттің баспасөз қызметі мәлімдеді.
Мемлекет басшысының Жарлығымен Қанатбек Бақытұлы Жайсанбаев Қазақстан Халық Кеңесі Төрағасының орынбасары – Қазақстан Халық Кеңесі Хатшылығының басшысы болып тағайындалды, ол бұрынғы атқарған лауазымынан босатылды,-делінген хабарламада.
Ол бұған дейін, 2023 жылдың қыркүйегінен бастап, Президент Әкімшілігінде Өтініштерді қарауды бақылау бөлімінің меңгерушісі қызметін атқарды. Оған дейін, 2021 жылдың сәуірінен бастап, Президент Әкімшілігінде Мемлекеттік бақылау және ұйымдастырушылық-аумақтық жұмыс бөлімінің меңгерушісі қызметін атқарды.
