Алматыда «Түркітілдес журналистер қоры» Қоғамдық қорының ұйымдастыруымен «TURKTIME: ТҮРКІ ЕЛДЕРІНІҢ МЕДИА ЖӘНЕ ТУРИЗМ БІРЛІГІ» тақырыбында халықаралық IV медиа форум өтті, деп хабарлайды Jurtmedia.kz ақпараттық порталы.
Форумға Британия, Германия, Түркия, Әзірбайжан, Солтүстік Кипр секілді бірнеш шетелден туризм және медиа саласының мамандары, сондай-ақ еліміздің Мәдениет және ақпарат министрлігі өкілдері, Парламент депутаттары, журналистика саласының тәжірибелі сарапшылар түрлі орындардың баспасөз хатшылары, БАҚ өкілдері қатысты.
11-12 қараша екі күнге созылған халықаралық шарада қатысушылар түркі елдерінің бірлігі мен медиа және туризм саласындағы бірқатар шаруаларды бірлесе шешу мен іске асырудың жолдарын талқылады. Сонымен қатар осы салада тәжірибе алмасты. Түрлі семинар тренингтер мен панельдік отырыстарда шетелдік және отандық спикерлер өз тәжірибелерін ортаға салды.
Ауқымды шараны ұйымдастырушы «Түркітілдес журналистер қоры» Қоғамдық қорының перзиденті Нәзия Жоямергенқызының айтуынша бұндай басқосулардың БАҚ өкілдері үшін оның ішінде қазақтілді журналистер үшін берері мол. Форум олардың тәжірибесі мен біліктілігін арттыруға зор ықпал етеді.
Айта кетейік биыл аталған қордың өз жұмысын бастағанына 10 жыл толып отыр.
