Аса ірі көлемде алаяқтық жасаған күдікті Қырғызстаннан экстрадицияланды

Күдікті 2023 жылы Алматыда желдетуге арналған бөлшектер мен кондиционерлерді жеткіземіз деген сылтаумен кәсіпкердің 75 миллион теңгеден астам қаржысын жымқырған,- деп хабарлайды Jurtmedia.kz ақпараттық порталы. 

Қылмыс жасағаннан кейін алаяқ қашып кеткен, сол себепті ол халықаралық іздеуге жарияланған.

Ағымдағы жылдың мамыр айында ол Бішкек қаласында ұсталып, одан кейін Қазақстан Республикасы Бас прокуратурасының сұрауы бойынша елге экстрадицияланды. Қазіргі уақытта күдікті Алматы қаласының уақытша ұстау изоляторына қамалды, делінген Бас прокуратура таратқан ақпаратта.  

Қолданыстағы заңға сәйкес, айыпталған қылмыс үшін мүлкі тәркіленіп, бес жылдан он жылға дейінгі мерзімге бас бостандығынан айыру жазасы қарастырылған.

Фото: ашық дереккөзден