Бокстан бүгін жартылай финалда жеңіске жетіп финалға жолдама алған жерлесіміз Нұрбек Оралбаймен ақтық сында кездесетін спортшының есімі белгілі болды, деп хабарлайды Jurtmedia.kz ақпараттық порталы.
80 келі салмақ дәрежесінде украиналық Олександр Хижняк пен кубалық Арлен Лопес арасындағы жекпе-жекте украйналық боксшы Олександр Хижняк 3:2 есебімен жеңіске жетті. Осылайцша ол ақтық сында біздің Нұрбек Оралбаймен Парижде өтіп жатқан жазғы Олимпиада ойындарының алтын медалі үшін жұдырықтасатын болады.
Ақтық сын 7 тамыз күні өтеді.
Айта кетейік аталмыш жарысқа бокстан барған Қазақстан құрамасынан жалғыз Нұрбек Оралбай ғана финальға дейін жете алды. Ол бүгін Доминикан елінің атынан бақ сынаған Кристиан Хавьер Пиналестен 3:2 есебімен басым түсіп финалға жолдам алды. Нұрбек Оралбай 2023 жылы Ташкентте өткен әлем чемпионатында топ жарған.
