Қазақстан мен Сауд Арабиясы екі ел арасында тікелей әуе қатынасын ашуға келісті, деп хабарлады Jurtmedia.kz
Бұл туралы Сыртқы істер министрлігінің баспасөз қызметі мәлімдеді.
Қазақстан мен Сауд Арабиясы Алматы – Эр-Рияд бағыты бойынша тікелей әуе қатынасын ашу туралы уағдаласты.
Тиісті шешімге Қазақстан Республикасы Премьер-Министрінің орынбасары – Сыртқы істер министрі Мұрат Нұртілеудің Қазақстан-Саудия Сауда-экономикалық, ғылыми-техникалық және мәдени ынтымақтастық жөніндегі Үкіметаралық комиссиясының 6-шы отырысына қатысу үшін Сауд Арабиясына сапары шеңберінде қол жеткізілді , – делінген ведомство таратқан ақпаратта
Дереккөз таратқан мәліметке сәйкес, елдер арасындағы рейстерді Сауд Арабиясының FlyNas әуекомпаниясы 2024 жылдың көктем-жаз маусымынан бастап аптасына 7 рейс жиілігімен орындайтын болады.
