Атыраудағы сауда және ойын-сауық орталықтарының бірінде 14 жасар жасөспірім биіктен секіріп жарақат алды, — деп хабарлайды Jurtmedia ақпараттық-сараптамалық порталы.
Облыстық полиция департаменті ата-анасының назарынан бір сәтке тыс қалған жасөспірім өздігінен секіргенін мәлімдеді.
14 жасар жасөспірім қараусыз қалып, қауіпсіздік ережелерін бұзған және биіктіктен секіргеннен кейін жеңіл жарақат алған. Медициналық тексеруден кейін жасөспірім ата-анасымен бірге үйіне жіберілді, — деп түсіндірді Атырау облыстық ПД баспасөз қызметі.
Ата-аналар бала тәрбиесіне қатысты міндеттерін тиісті түрде орындамағаны үшін әкімшілік жауапкершілікке тартылды.
Мекеменің қауіпсіздік шараларын қосымша тексеру жұмысы да қолға алынды.
