Мемлекет басшысы Қасым-Жомарт Тоқаев Астанада ашылған Инклюзивті спорт орталығының қызметімен танысты, деп хабарлайды Jurtmedia ақпараттық-сараптамалық порталы.
Орталықта спорттың 12 бейімделген түрінен жаттығу жүргізіледі.
Бұл еліміздегі мүгедектігі бар адамдарға арналған спорттық, медициналық, оңалту және білім беру инфрақұрылымын біріктірген алғашқы кешен.
Астанада мүмкіндігі шектеулі 42 мыңға жуық азамат тұрады. Олардың басым көпшілігі – балалар, жастар мен еңбекке қабілетті жастағы адамдар. Олар орталықта спортпен тұрақты түрде шұғылданып, оңалту курсынан өте алады. Осылайша, әлеуметтік ортаға бой үйретеді.
Сонымен қатар спорт және білім салаларында мүмкіндігі шектеулі балалармен жұмыс істейтін маман даярлауға айрықша мән беріледі.
Фото: Ақордадан.
