Ол өз үйінде тірідей жанып кеткен. Марқұмның мәйіті өрттен кейін бірнеше күннен соң ғана табылған, деп хабарлайды, Jurtmedia.kz ақпараттық-сараптамалық порталы.
Көрермендерге «Он өсиет», «Ағайынды блюз», «Леди блюз әнін айтады» секілді бірнеше фильмдер арқылы танымал болған голливуд жұлдызы Делис Карри 95 жаста болған.
Айта кетейік, АҚШ-тың Лос-Анджелос қаласындағы алапат өрт 7 қаңтар күні басталған. Салдарынан соңғы бірнеше күнде 180 мыңнан астам адам үйлерін тастап кетуге мәжбүр болды. 11 қаңтардан бері тілсіз жау бұрын адам қолы тимеген аумақтарды шарпыды. Осыған орай билік эвакуация аймағын кеңейтті. АҚШ-тың Ұлттық метеоролия қызметі келесі аптадағы жайсыз ауа-райы өрттің таралуына тағы да ықпал ететінін ескертті.
