Жетісу облысының Сыбайлас жемқорлыққа қарсы қызметі «Жетісу футбол клубы» КМҚК директоры Қалмұхамет Дөңсебаевтың бюджет қаражатын жымқырғанын әшкереледі, деп хабарлады Jurtmedia.kz ақпараттық порталы.
Бұл туралы Антикордың баспасөз қызметі мәлімдеді.
Ол 2022 – 2023 жылдары оқу-жаттығу жиындарына бөлінген 85,4 млн теңге сомасындағы бюджет қаражатын сенімді тұлғалардың карточкалық шоттарына аудару арқылы жымқырған. Соттың санкциясымен күдікті қамауға алынды,- деп жазды дереккөз.
Қылмыстық әрекеттің басқа эпизодтары тексерілуде. Тергеу жалғасуда.
Қылмыстық-процестік кодексінің 201-бабына сәйкес өзге ақпарат жария етуге жатпайды.
Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
