Қазақстан ұсынған екі тарихи-мәдени мұра ЮНЕСКО-ның «Әлем жады» бағдарламасының Азия-Тынық мұхиты өңірлік тізіліміне енгізілді. Бұл туралы Jurtmedia ақпараттық-сараптамалық порталы Kazinform агенттігіне сілтеме жасап хабарлайды.
Мұндай шешім 2026 жылғы 5 қарашада Индонезия астанасы Джакартада өткен бағдарламаның Азия және Тынық мұхиты өңірлік комиссиясының отырысында қабылданған. Тізілімге «Есік жазуы: Есік қорғанынан табылған күміс тостағандағы түркі руна жазуы» және «Мәшһүр Жүсіп Көпеевтің баспа басылымдары жинағы» енгізілді.
Бұл шешім еліміздің тарихи-мәдени мұрасының халықаралық деңгейде мойындалғанын көрсетеді. Сонымен қатар ұлттық құндылықтарды әлемге кеңінен танытуға мүмкіндік береді. Айта кетейік, бұған дейін Қазақстан атынан үш мәдени мұра ЮНЕСКО тізіміне енгізуге ұсынылған болатын.
