Қайғылы оқиға Конго Демократиялық Республикасының (КДР) астанасы Киншасадағы салтанат сарайларының бірінде болған,- деп хабарлайды Jurtmedia ақпараттық-сараптамалық порталы.
Actualité басылымының жазуынша, өрт басталған сәтте зал ішінде көптеген адам жиналған үйлену тойы өтіп жатқан.
Алдын-ала дерек бойынша, өрт салдарынан кемінде 22 адам қаза тапты.
Жергілікті билік өкілі Норбер Мушиги қаза тапқандардың нақты саны әлі анықталып жатқанын айтты. Сондай-ақ зардап шеккендердің де көп екенін атап өтті.
Алдын ала ақпарат бойынша, залда жалғыз ғана шығу есігі болған, соның салдарынан өрт басталған кезде кептеліс пен дүрбелең туындаған.
Өрттің шығу себептері анықталуда.
