Шымкент қаласының дене шынықтыру және спорт басқармасы басшысының бұйрығымен «Шымкент кәсіпқой бокс түрлері клубы» коммуналдық мемлекеттік мекемесінің директоры лауазымына бокстан әлем чемпионы Жақыпов Біржан Жақыпұлы тағайындалды, деп хабарлады Jurtmedia.kz
Ол 1984 жылы Оңтүстік Қазақстан облысы, Созақ ауданы, Жартытөбе ауылында дүниеге келген. Өзінің спорттық мансабын бокс жолына арнаған.
Спорттағы жетістіктері:
— ҚР чемпионаттарының бірнеше дүркін чемпионы;
— 2005 жыл Әлем чемпионатының қола жүлдегері;
— 2008 жыл Куба Олимпиадасының жеңімпазы;
— 2008 жыл Әлем Кубогының қола жүлдегері;
— 2008 жыл Жазғы Олимпиада ойындарының қатысушысы — V орын, Бейжің (ҚХР)
— 2010-2014 жылдары жазғы Азия ойындарының күміс жүлдегері;
— 2012 жыл Жазғы Олимпиада ойындарының қатысушысы-V орын, Лондон (Ұлыбритания)
— 2013 жыл Әлем Чемпионатының жеңімпазы ;
— 2014 жыл XVII-ші жазғы Азия Ойындарының күміс жүлдегері ;
— 2015 жыл «AIBA Pro Boxing» жобасы аясындағы лицензиялық турнирінің жеңімпазы;
— 2016 жылғы Бразилияда өтетін Жазғы Олимпиада ойындарының қатысушысы — V орын.
Сонымен қатар, «Құрмет» төс белгісімен мараптталған. Бокстан Қазақстан Республикасына Еңбегі Сіңген спорт шебері, 2005 жылы ОҚО «Ең үздік спортшысы», 2013 жылы «Құрмет» орденінің иегері атанды.
