Мәжіліс депутаты мүмкіндігі шектеулі жандардың мәселесін тыңдады

Мәжілістегі «AMANAT» фракциясының депутаты, «Инклюзивті Парламент» депутаттық тобының жетекшісі Ерлан Әбдиев Түркістан облысына жұмыс сапары кезінде мүмкіндігі шектеулі жандармен кездесті, деп хабарлайды Jurtmedia.kz ақпараттық-сараптамалық порталы.

Бұл туралы Мәжілістің баспасөз қызметі мәлімдеді.

Облыстағы Ордабасы ауданына жұмыс сапары аясында мәжілісмен Темірлан ауылындағы «Шапағат» әлеуметтік қызметтер көрсету орталығына барды.
Кездесу барысында депутат мүмкіндігі шектеулі жандардың құқықтарын қорғау мәселесіне тоқталып, Мәжілістегі «Инклюзивті Парламент» депутаттық тобының атқарып жатқан жұмыстары туралы ақпарат берді.

Орталықтағы азаматтар көкейтесті мәселелерін ортаға салып, оларды шешу бойынша ұсыныстарын жеткізд. Ерлан Әбдиев жиында көтерілген мәселелер салалық министрліктерге жолданатынын атап өтті.