Кәсіпкерге қатысты басталған қылмыстық қудалау Ақмола облысы, Хромтау ауданының прокуратурасымен араласуымен өндірістен тоқтатылды, деп хабарлады Jurtmedia.kz
Прокуратураның мобильді тобына түскен сигнал бойынша анықталғаны, 21 ақпанда Хромтау аудандық ПБ-нің қызметкерлері «Сектор» ойын клубының жұмыс жасап тұрған кәсіпкерге қатысты қандай-да бір арыз немесе шағым болмағанына қарамастан, авторлық және (немесе) сабақтас құқықтар объектiлерiн заңсыз пайдалану дерегі бойынша ҚК-тің 198-бабының 1-бөлігімен сотқа дейінгі тергеп-тексеру басталған.
Алайда, қылмыстық қудалау органы қылмыстық-процестік заңнамасына сәйкес, аталған санаттағы істердің тек жәбірленушінің шағымынан ғана басталатынын ескермеген.
Осыған байланысты аудан прокуратуарсымен кәсіпкерге қатысты негізсіз басталған сотқа дейінгі тергеп-тексеру өндірістен тоқтатылып, тәркіленген мүлік кәсіпкерге қайтарылып берілді,- деп жазды Ақмола облысы прокуратурасының баспасөз қызметі.
Полиция қызметкерлеріне қатысты тәртіптік іс жүргізу өндірісі қозғалды.
