Отырыста депутаттар бірінші оқылымда «Жасанды интеллект туралы» заң жобасы және оған ілеспе түзетулерді, ал екінші оқылымда азаматтық қорғау мәселелері бойынша заң жобасын қарайды, деп хабарлайды Jurtmedia.kz ақпараттық-сараптамалық порталы.
Парламенттің баспасөз қызметінің ақпаратына сәйкес, жиын 14 мамыр сағат 14:00-де басталады.
Сондай-ақ 2009 жылғы 9 маусымдағы Еуразиялық тұрақтандыру және даму қорын құру туралы шартқа өзгерістер мен толықтырулар енгізу туралы хаттаманы ратификациялау жобасы талқыланады.
Сонымен қатар Заңнама және сот-құқықтық реформа комитеті Қазақстан мен Франция үкіметтері арасындағы адамдарды реадмиссиялау туралы келісімді ратификациялау туралы заң жобасын жұмысқа қабылдайды,-делінген хабарламада.
