Бұл туралы бокстан Қазақстан құрамасының Бас бапкері Қайрат Сәтжанов айтты, деп хабарлайды Jurtmedia.kz ақпараттық-сараптамалық порталы.
Спорт+ youtube арнасына берген сұхбатында Бас бапкер Қазақстандық ауыр салмақтағы боксшы, Олимпиада және Әлем чемпионаттарының жүлдегері Қамшыбек Қоңқабаев бұдан былай құрама қатарында шаршы алаңға шықпайтындығын ресми түрде мәлімдеді.
Қамшыбек боксты қоямын деп жатыр. Бұл туралы енді айта беруге болатын шығар. Ол федерацияға келіп ресми түрде бокстан кеткендігі туралы өтінішін жазып, қолын қойып кетті. Сонымен оны жібердік, — деді Қ. Сәтжанов.
Айта кетейік, Қамшыбек Қоңқабаевтың жасы 33-те. Оның спортттағы ең үлкен жетістігі 2020 жылғы Токио Олимпиадасының қола жүлдегері. Сонымен бірге 2017 және 2019 жылғы әлем чемпионаттарында күміс жүлдегер атанған. Одан бөлек Азия біріншіліктері (2017, 2019, 2021, 2019) және Азия ойындарының күміс медаль иегері.
