Атырау облысы Құлсары қаласынан жалпы саны 33 641 адам көшірілді және 201 уақытша орналасу орындары дайындалды, деп хабарлады Jurtmedia.kz
Бұл туралы Төтенше жағдайлар министрлігінің баспасөз қызметі мәлімдеді.
Алдын ала болжам бойынша Құлсары қаласында 2810 тұрғын үй су астында қалды. Су тасқының салдарын жоюға 231 бірлік техника, 1198 жеке құрам, 18 бірлік жүзу құралдары, 19 бірлік мотопомпа жұмылдырылды. Тұрғындар тарапынан арнайы телефон желісіне көмек сұрап 84 қоңырау түсіп, 173 адам құтқарылды, оның ішінде 15 бала. 248 мал басы және 27 үй жануарлары қауіпсіз орындарға көшірілді,- делінген жауапты ведомствоның берген деректе.
Құлсарыдан көшірілген тұрғындар Ақтаудағы 17 нысанға орналастырылды.
Фото: Жылыой ауданы әкімдігінен
