Елімізде соңғы бес күнде көлік жүргізу құқығынан айырылғанына қарамастан, қайтадан рөлге отырған 245 жүргізуші ұсталды,-деп хабарлайды Jurtmedia ақпараттық-сараптамалық порталы.
Олардың 115-і әкімшілік қамауға алынса, 130-ына айыппұл салынып, автокөліктері айыптұраққа қойылды. Ішкі істер министрлігінің мәліметінше, жүргізуші куәлігінен айырылған азаматтарға көлік басқаруға ешқандай жағдайда рұқсат етілмейді. Полиция мұндай заңбұзушылықтарға қатысты бақылауды күшейтіп, қатаң шаралар қабылдайтынын ескертеді.
