Бокстан Бангкокта (Таиланд) өтіп жатқан шешуші лицензиялық жарыста Қазақстан әйелдер құрамасы үздіктерінің бірі Назым Қызайбай Париж Олимпиадасына жолдама ұтып алды, деп хабарлайды Jurtmedia.kz ақпараттық порталы. Olympic.kz. сайтына сілтеме жасап.
50 келі салмақта бақ сынаған Назым шешуші айқаста Солтүстік Кореяның жас спортшысы Канг Су Хуангты 5:0 есебімен жеңді.
Айта кетейік, 2 дүркін Әлем чемпионы Назымның Париж алғашқы Олимпиадасы болады.
Бұған дейін қыздар арасында 75 келі салмақ дәрежесінде жерлесіміз Валентина Хальзова да қарсыласынан басым түсіп, төрт жылдықтың басмты додасына жолдама иеленген болатын.
Фото: Olympic.kz.
